【淘派集運app】 【淘派集運app】 
新公務員工會解散引民嘲
//www.CRNTT.com   2021-01-17 13:28:47


  中評社香港1月17日電/據大公報報道,政府要求公務員宣誓擁護基本法及效忠特區,本是再正常不過嘅事,但喺修例風波期間成立嘅新公務員工會,尋晚就喺Facebook發帖宣佈解散。該工會主席正正係近年多次與政府唱反調嘅顔武周,佢聲稱自工會成立以來,一直遭受各方各面嘅抨擊,如今宣誓一事在即,預計工會理事有可能無法繼續留在政府,並失去工會會員及理事資格,因此啟動解散工會,以確保工會會員資料及物資得到適當處理云云。

  事實上,以顔武周及該工會嘅所作所為,早已不符公務員政治中立要求。顔武周喺前年修例風波期間,曾公然發起反對政府修逃犯例嘅公務員集會,後來該工會成立,去年元旦參與由攬炒派組織嘅大遊行,對於遊行後來演變成暴亂,工會不單止無批評暴徒,反而指責警方執法。上年六月,該工會又以不滿香港國安法為由,參與發動所謂“罷工罷課公投”,公然煽動反政府情緒。當時政府指出,採取政治性罷工手段反對國家安全立法,係公然違反公務員守則,定必嚴肅追究。

  得知該工會解散嘅消息後,市民喺網上發出一片揶揄之聲。市民Albert直言:“連擁護基本法及效忠特區咁簡單嘅要求都做唔到,仲點樣服務市民?”市民“水王”就話:“一見宣誓就要解散,仲唔係身有屎?”

掃描二維碼訪問中評網移動版 【淘派集運app】 【淘派集運app】 掃描二維碼訪問中評社微信  

 相關新聞: